CEFR imtihoni haqida ma’lumot

Bu yildan Oliy o’quv yurtlariga imtihon topshirganda CEFR yoki Chet tilini bilish darajasi testidan tegishli sertifikatga ega bo’lgan yoshlarimizga imtiyozlarga ega bo’lishi katta yangilik bo’ldi. Chet tilini bilish darajasi nimalardan iborat va qanday tartibda o’tkaziladi? Ushbu maqolamda yuqoridagi savollarga javob berishga harakat qilaman.

CEFR imtixoni IELTSdan farqli o’laroq 5ta bo’limdan iborat. Ular:

Tinglab tushunish (Listening) bo’limi: eshitilgan audiomatnlarning asosiy mazmunini va detallarini tushunish ko’nikmalari tekshiriladi.

O’qib tushunish (Reading) bo’limi: har xil janrlardagi autentik matnlarning asosiy mazmunini va detallarini tushunish ko’nikmalari tekshiriladi.

Leksik va grammatik kompetensiyalar (Lexical Grammatical Competence) bo’limi: leksik va grammatik birliklarni kontekstda to’g’ri qo’llay olish ko’nikmalari tekshiriladi.

Yozish (Writing) bo’limi: berilgan vaziyat yoki mavzu asosida, topshirilayotgan darajaga mos leksika va grammatikani qo’llagan holda yaxlit matn tuza olish ko’nikmalari tekshiriladi.

Gapirish (Speaking) bo’limi: savollarga javob bera olish, og’zaki taqdimot qila olish, muammoga nisbatan o’z fikrini bildirib asoslab bera olish ko’nikmalarini tekshiradi.

Testning yozma qismi (tinglab tushunish, o’qib tushunish, leksik va grammatik kompetensiyalar, yozish bo’limlari) bir kunda, gapirish bo’limi alohida o’tkaziladi.

Har bir bo’limda maksimal ball 30 ballni tashkil qiladi. Jami maksimal ball: 150 ball. Testdan muvaffaqiyatli o’tish uchun maksimal ballga nisbatan 60% (90 ball) yoki undan yuqori yig’ish kerak.

1. LISTENING

Tinglab tushunish (30 daqiqa / 4 qism / 30 savol)
Tinglab tushunish bolimida har bir matn ikki martadan eshittiriladi va matn eshittirilishidan oldin matnga oid savollar bilan tanishib chiqish uchun 30 soniya vaqt beriladi.
Har bir savol: 1 ball
Maksimal: 30 ball
Davomiylik: 35 daqiqa
Qoshimcha vaqt: 10 daqiqa

2. READING
O’qish 4ta qism va 30ta savoldan iborat bo’ladi.
Davomiylik: 70 daqiqa
Eng katta tekst: 400 ta so’z
Har bir savol: 1 ball
Maksimal: 30 ball

3. LEXIAL AND GRAMMAR COMPETENCE
Leksik va grammatik kompetensiyalar (30 daqiqa / 3 qism / 30savol)
Davomiylik: 30 daqiqa
Har bir savol: 1 ball
Maksimal ball: 30 ball

4. WRITING
Yozish (45 daqiqa / 2 topshiriq)

1-topshiriq: 10 ball

2-topshiriq: 20 ball

Yozma nutq bo’limining maqsadi nomzodning fikrini chet tilida yozma ravishda to’g’ri va ravon ifodalay olish qobiliyatini tekshirishdir.
1-topshiriq: shaxsiy yozishmalar. Nomzod berilgan mavzu va tayanch savollar asosida xat yozishi lozim(60-80 so’z/10 ball) Mavzuda muammo ko’tariladi va xatda ushbu muammo yuzasidan fikr bildiriladi.

2-topshiriq: shaxsiy tajribaga asoslangan insho yozish (120-140 so’z/20 ball). Nomzod tayanch savollar asosida berilgan mavzuda qisqa insho yozishi kerak.

5. SPEAKING
Gapirish (15 daqiqa / 3 qism / 30 ball)

Og’zaki nutq bo’limining maqsadi nomzodning fikrini chet tilida og’zaki tarzda to’g’ri va ravon ifodalay olish qobiliyatini tekshirishdir.

1-qism

Suhbat tarzida talabgorga kundalik mavzularda, shaxsiy hayotiga oid savollar beriladi va talabgor berilgan savollarga tayyorgarliksiz javob bera olishi lozim. Bu qism 4 daqiqa davom etadi.

2-qism

Talabgordan berilgan muammoli vaziyat asosida 2 daqiqali monolog tuzishi talab qilinadi. Talabgor nutqi davomida muammoga o’z yondashuvi (muammoga yechim)ni ifodalashi kerak. Savollar nomzodning shaxsiy hayotiga oid mavzular doirasidan olinadi.

Talabgorga tayyorgarlik uchun 1 daqiqa vaqt beriladi.

3-qism

Talabgorga 2-qism (monolog) mavzusidan kelib chiqqan holda qo’shimcha ma’lumotlar beriladi. Talabgorga tayyorgarlik uchun vaqt berilmaydi.

Do'stlaringizga ulashing:

6
Izoh qoldiring

avatar
4 Comment threads
2 Thread replies
0 Followers
 
Most reacted comment
Hottest comment thread
5 Comment authors
Hasanboy RasulovMuhammadazizVisolanodirDeyf Recent comment authors
Muhammadaziz
Guest
Muhammadaziz

keyingi imtihon qachon bo’ladi

Visola
Guest
Visola

B1darajadagi sertifikat Diplomatiya universitetiga otmaydimi?B2darajasi otadi deb eshitgandim.Shu togrimi?

nodir
Guest
nodir

Cefr yana qachon bõladi? Oktabrdami

Deyf
Guest
Deyf

Salomaleykum Keyingi imtixon qacon bo’ladi Javob un oldindan raxmat