Test sinovlarida o‘ta jiddiy o‘zgarishlar kutilayapti

Test sinovlarida o‘ta jiddiy o‘zgarishlar kutilayapti

Normativ-huquqiy hujjatlar loyihalari muhokamasi portalida “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi hujjat loyihasi joylashtirildi.

Hujjatga ko‘ra:

2019/2020 o‘quv yili qabulidan boshlab:

❇️ amaldagi tartibni o‘zgartirgan holda oliy ta’lim muassasalariga o‘qishga qabul qilish bo‘yicha kirish test sinovlarini iyul-avgust oylarida o‘tkazish;

❇️ eng yuqori ballning 30 foizi va undan yuqori ballni to‘plagan abituriyentlarga fanlar bo‘yicha test sinovlari natijalari aks etgan, 3 yil muddatga amal qiladigan sertifikat berish hamda ularga uchtagacha ta’lim yo‘nalishida tanlovda ishtirok etishi uchun imkoniyat yaratish;

2020/2021 o‘quv yili qabulidan boshlab:

❇️ test fanlari majmuasini ikki bo‘limga ajratib, 1-bo‘limga barcha test topshiruvchilar uchun majburiy 3 ta fan – ona tili, matematika va O‘zbekiston tarixi, 2-bo‘limga da’vogarlik qilinayotgan ta’lim yo‘nalishiga mos ikkita fanni kiritish;

❇️ yoshlarning ona tili bo‘yicha savodxonligini oshirish va aniqlash maqsadida yozish ko‘nikmalarini baholash uchun “O‘zbek tili”, “Rus tili”, “Qoraqalpoq tili” fanlari bo‘yicha alohida sinovlarni tashkil etish.

Shuningdek:

❇️ abituriyentlarning test sinovlari va tanlovda ishtirok etishi uchun Davlat xizmatlari markazlari orqali ro‘yxatdan o‘tkazish tizimi bosqichma-bosqich yo‘lga qo‘yiladi;

❇️ oldingi o‘quv yillarida ta’lim muassasalarini tugatgan abituriyentlardan test sinovlarida ishtirok etishi uchun eng kam ish haqining bir barobariga teng miqdorida yig‘im undiriladi. Joriy yil bitiruvchilari uchun test sinovlari bepul asosda o‘tkaziladi;

❇️ test o‘tkazilgan kunning ertasiga abituriyentning fanlar bo‘yicha test sinovidan umumiy to‘plagan ballari Davlat test markazining rasmiy veb-saytida e’lon qilinadi;

❇️ abituriyentning sinov natijasi bo‘yicha olgan bali tavsiya etishga yetarli bo‘lgan oliy ta’lim muassasasi (ta’lim yo‘nalishi)da o‘qish imkoniyati yaratiladi;

❇️ o‘zbek va qoraqalpoq tillaridagi test topshiriqlari faqat lotin alifbosida tayyorlanadi.

Batafsil: https://regulation.gov.uz/uz/document/2390

Do'stlaringizga ulashing:

8 thoughts on “Test sinovlarida o‘ta jiddiy o‘zgarishlar kutilayapti”

  1. Men kelajakda Nizomiy davlat universiting boshlang’ich o’qituvchiligiga topshirmoqchiman. Lekin 3 majburiy fanlardan matematika va ona tilidan imtihon qo’yilgan. 2 ta ixtiyoriy fanlar majmui qachon e’lon qilinadi? Yoki 2 Marta bir xil fanlardan topshiramizmi? 2020 yilda ham OTMLArga kirish uchun IELTS va CEFR sertifikatlaridan imtiyozlar bo’ladimi?

  2. Men kelajakda Nizomiy davlat universiting boshlang’ich o’qituvchiligiga topshirmoqchiman. Lekin 3 majburiy fanlardan matematika va ona tilidan imtihon qo’yilgan. 2 ta ixtiyoriy fanlar majmui qachon e’lon qilinadi? Yoki 2 Marta bir xil fanlardan topshiramizmi?

  3. Men kelgusi yilda Toshkent Axborot Texnalogiyalari Universitetiga topshirmoqchi edim unga kora 1 blok matematika 2 blok fizika 3 blok ingliz tili uning bloqlari
    Sizlar aytishizlariz boyicha ona tili matematika Uzbek tarix majburiy bolsa unga yana qanday 2 ta fan qoshiladi lekn bloqlari matematika fizika ingiliz tili yu qanday boladi va ona tili adabiyot matematika ozbek tarix ulardam qiyin savollar tushadimi?

  4. Yuqorida keltirilgan 2020/2021 oquv yilidan fanlar majmuasi 2 bolimga ajratilishiga kora ona tili matematika ozbekiston tarixidan imtihon topshiriladigan bolsa 2-bolimdagi yonalishiga mos keladigan fanlar qatorida ham ona tili matematika bolsa u holda qanday boladi? Abituriyent 2- marta ham shu fanlardan imtihon topshiradimi.

  5. Hasanboy aka men ingliztilining tarjimonlik fakultetiga topshirmoqchiman qaysi fanlar tushadi 3ta blokdan

  6. ASALOM HASANBOY AKA BIR NARSA SO’RALMOQCHI EDIM MAN IELTS NI O’RGANISHIM UCHUN GRAMATIKANI O’RGANISHIM KERAKMI

Leave a Reply

Your email address will not be published.